VIZAG TOURISM NEWS

ఏజెన్సీలో పర్యాటక ప్రదేశాలు అభివృద్ధి చేస్తామని జిల్లా కలెక్టర్ డా.ఎ. మల్లికార్జున అన్నారు. లంబసింగి గ్రామ పంచాయతీ చెరువులవెనం  గ్రామాన్ని గురువారం ఉదయం సందర్శించారు.అక్కడ పర్యాటకులతో ముచ్చటించారు. చెరువుల వెనం గ్రామానికి వెళ్లే రహదారిలో  విద్యుత్ లైట్లు, మార్గంలో అక్కడక్కడ బెంచీలు,తాగునీటి సదుపాయాలు కల్పించాలని చెరువుల వెనం వద్ద వ్యుపాయింట్ నిర్మించాలని  పర్యాటకులు కోరగా జిల్లా కలెక్టర్ సానుకూలంగా స్పందించారు. చెరువులవెనం గ్రామస్తులతో ముచ్చటించారు.ఆ తరువాత  గ్రామస్తులు పాఠశాల భవనం, సామాజిక భవనం,అంగన్వాడీ భవనం,అటవీ హక్కు పత్రాలు మంజూరు చేయాలని కోరగా జిల్లా కలెక్టర్  మంజూరు చేస్తామని చెప్పారు.చౌడుపల్లి గ్రామచివాలయం 1,భవన నిర్మాణపు పనులు పరిశీలించారు. చింతపల్లి  కాఫీ ఎకో పల్పర్ యూనిట్ ను సందర్శించారు. గిరిగర్భిణీ స్త్రీలు వసతి గృహం సందర్శించి వసతి గృహంలో ఉన్న గర్భవతు లతో మాట్లాడి సదుపాయాలను అడిగితెలుసుకున్నారు. ఎన్ ఆర్ జి ఎస్ నిధులు రూ.40 లక్షల వ్యయంతో నిర్మించిన చింతపల్లి గ్రామ సచివాలయం భవనాన్ని ప్రారంభించారు. సామాజిక ఆసుపత్రిని సందర్శించారు. కంటి విభాగం పరిశీలించారు. వారానికి ఎన్ని శుక్లాల శస్త్ర చికిత్సలు చేయిస్తున్నారనివైద్యులను ప్రశ్నించారు. సామాజిక ఆసుపత్రిలో నే  ఆపరేషన్ థియేటర్ సిద్ధం చేసి కంటి ఆపరేషన్లు చేయాలని ,వాటికి అవసరమైన మౌలిక సదుపాయాలు కల్పిస్తామని చెప్పారు. వార్డుల్లో  పర్యటించి రోగులతో మాట్లాడి వైద్య సేవలపై ఆరాతీశారు.అనంతరం కిటముల జంక్షన్ వద్ద బీమనాపల్లి నుండి చేరువులవెనం గ్రామానికి మిషన్ కనెక్ట్ పాడేరు కింద రూ.80లక్షల తో నిర్మిస్తున్న రోడ్డుకు శంకుస్థాపన చేశారు.  జి.మాడుగుల మండలంలో నిర్మించనున్న ఎకో పల్పింగి యూనిట్ కు శంకుస్థాపన చేశారు.   గత్తుoపాకలు నుంచి పులిగొంది, లక్కవరం, రాయపాలెం, నిమ్మలపాలెం, నూతి బంద గ్రామం వరకు రూ.234 లక్షల తో నిర్మిస్తున్న రోడ్డుకు శంకుస్థాపన  చేశారు. లంబసింగి గ్రామంలో రైతులు పండిస్తున్న స్ట్రాబెర్రీ తోటలు పరిశీలించారు. స్ట్రాబెర్రీ, బ్రకోలి,బేబీ కార్న్ తోటలు పెంపకాన్ని ప్రోత్సాహించాలని అధికారులకు సూచించారు. తాజంగి గ్రామంవద్ద రూ 35 లక్షల తో నిర్మిస్తున్న స్వతంత్ర సమరయోధుల మ్యూజియం పనులు పరిశీలించారు.తాజంగి జలాశయం వద్ద జిప్ లైనర్  ఎక్కారు.

ఈకార్యక్రమంలో పాడేరు ఎమ్మెల్యే కె.భాగ్యలక్ష్మి, ఐటిడిఎ పి.ఓ.ఆర్.గోపాల క్రిష్ణ ,సబ్ కలెక్టర్ వి.అభిషేక్, చింతపల్లి ఏ ఎస్ పి తుషార్ డూ డి,   ఎపి మెడికల్ కౌన్సిల్ సభ్యులు టి.నర్సింగరావు, గిరిజన సంక్షేమశాఖ ఎస్ ఈ  ఎస్.శ్రీనివాస్, ఈ ఈ డి.వి.ఆర్.ఎం రాజు,

డి.ఇ ఓ ఏజెన్సీ డా. రమేష్ ,ఎంపిడిఓ సీతయ్య తదితరులు పాల్గొన్నారు.